2022/2023-mi
efterskolernermik ingerlatsisut 69 pct.-ii naammassinnissimapput
Efterskolernermik
aallartitsisimasut tamakkerlutik 371-inik amerlassuseqarput, 115-illu
unitsitsisimapput. Tassani naammassinnittarnermut pct.-i 69-imiippoq, ukiut
siuliini 75-it 60-illu akornanni inissisimasarsimasoq.
Nunarsuaq
tamakkerlugu nappaassuarmit tuniluuttumit, COVID-19-imit, efterskolernerit
ingerlanneqartut ukiuni atuarfiusuni 2020/21-mi kiisalu 2021/22-mi
sunnerneqangaatsiarsimapput.
Titartagaq 1. 2014/15-imiit 2022/23-mut efterskolernerit aallartinneqartut amerlassusaat, atuarfik malillugu
Najoqqutaq: Naatsorsueqqissaartarfik – Kisitsisaataasivimi kisitsisit takukkit (https://bank.stat.gl/UDNESF).
Efterskole
Villads Villadsen-i atuartunut 80-inut inissaateqartoq Maniitsumi Efterskoli
atuartunut 70-inut inissaateqarpoq. Atuartulli efterskolini aallartittut amerlassusaat
inissaqartitsinermit amerlanerusinnaapput, unitsitsisoqartillugu atuartut
nutaat aallartissinnaasarmata.
2022/23-mi
Kalaallit Nunaanni efterskolernerit aallartinneqartut amerlassusaat ukiup
siuliani aallartittunit amerlanerupput, tassani Efterskole Villads
Villadsen-imi 65-it aallartissimasut, Maniitsumi Efterskolimi 66-it
aallartissimapput. 2022/23-mi qallunaat efterskoliini aallartittut ukiup
siulianut sanilliullugit 78-inik amerleriarsimapput.
Efterskolernermik
aallartitsisut amerlasuut inuusunnerusut
Amerlanerpaat
ukiumi 16-inik ukioqalerfimminni efterskolernermik aallartitsisarput,
amerlasuullu meeqqat atuarfianni naammasserlaajusarlutik. Ukiumi atuarfiusumi
2022/23-mi atualertut 77 pct.-ii ukiumi 16-iliiffimminni aallartissimasut 6 pct.-ii
inuusunnerupput. Taamaallaat Danmarkimi inuusuttut 16-it inorlugit ukiullit
efterskolernermik aallartitsisinnaapput.
16-inik
ukioqalereersimallutik efterskolernermik aallartitsisartut annertussusaat
2022/23-mi 18 pct.-iusimapput.
Titartagaq 2. 2013/14-imiit
2022/23-mut efterskolernerit aallartinneqartut, ukiut malillugit
Nalunaarut: Ukiup pineqartup naanerani atuartut ukiui malillugit naatsorsuisoqarpoq.
Najoqqutaq: Naatsorsueqqissaartarfik – Kisitsisaataasivimi kisitsisit takukkit (https://bank.stat.gl/UDNESE).
2022/23-mi
efterskolernerit amerlasuut unitsiinnarneqarput
Ukiumi
atuarfiusumi 2022/23-mi atuartut 256-it efterskolernermik
naammassinnissimapput, efterskolernerit aallartinneqarsimasut 69 pct.-iinik annertussusillit. Tamanna ukiup siulianut
naleqqiullugu 6 pct.point-inik appariarneruvoq.
2022/23-mi Efterskole Villads Villadsen-imi naammassinnittarnermut pct.-i 55 pct.-iusimavoq, piffissamilu pineqartumi Maniitsumi Efterskoli-mi 59 pct.-iusimalluni. Siuliani ukiumut naleqqiullugit tamanna Efterskole Villads Villadsen-imut appariarneruvoq, Maniitsumili Efterskolemut qaffariarnerulluni
Kalaallit
Nunaanni efterskolinut sanilliullugit qallunaat efterskoliini
naammassinnittarnermut pct.-i appariarsimavoq, 2022/23-milu 75 pct.-iulluni. Tamanna ukiup siulianut, 84 pct.-iusimasumut, naleqqiullugu appariarneruvoq.
Titartagaq
3. 2013/14-imiit 2022/23-mut naammassinnittarnermut pct.-i, efterskolit
malillugit
Najoqqutaq:
Naatsorsueqqissaartarfik – Kisitsisaataasivimi kisitsisit takukkit (https://bank.stat.gl/UDNESF).
Ukioqatigiiaat tallimaagaangata marluk efterskolernermik aallartitsisarput
Ataani
takuneqarsinnaapput 2000-imiit 2006-imut inunngortut ukioqatigiiaat,
ukiuni atuarfiusuni 2016/17-imi kiisalu 2022/23-mi efterskolernernik
aallartitsisimasut naammassinnissimasullu.
Titartagaq
4. Ukioqatigiinni efterskolernermik aallartitsisimasut/naammassinnissimasut
amerlassusaat, 2000-imiit 2006-imut inunngortut malillugit
Najoqqutaq:
Naatsorsueqqissaartarfik – Kisitsisaataasivimi kisitsisit takukkit (https://bank.stat.gl/UDNESE).
Inuusuttut
2006-imi inunngorsimasut akornanni 40 pct.-ii efterskolernermik
aallartitsisimapput, taakkunanngalu 30 pct.-iilu naammassinnissimapput. Ukioqatigiiaani inuusuttut amerlassusaat
ikinnerulersimapput, 2000-imi inunngortut 803-nik amerlassusillit 2006-imi
inunngortut 738-nik amerlassuseqarmata.